Gleðilega hátíð allir okkar vinir!
 

Það er vani hjá okkur að fara yfir árið sem er að líða og stinga út það sem okkur finnst standa upp úr. 
             
   Lerkiholtsbændur eignuðust         Þórdís frá Björgum seldist -            Við eignuðumst drottninguna
  hestagullið Binný frá Björgum     eigandinn er nýja vinnukonan okkar       Væntingu frá Hrafnagili

             
  Síðasta keppnin hjá Björg                 Þytur frá Narfastöðum             Eitt skemmtilegasta mót ársins
       A úrslit LM 2014                             "kominn heim"                            - Riddaramótið -

25.10.2014
Jæja, þá er veturinn formlega settur.  Hólabúðingarnir okkar Fanndís heimasæta og Karen heimalingur komnar með skólahestana sína og það verður gaman að fylgjast með gangi mála hjá þeim í vetur.  Það er orðin regla hjá okkur að gefa merum og folöldum fyrstu heyrúlluna á fyrsta vetrardegi og það stóð ekki á því í ár.  Mikil gleði hjá drottningunum yfir þessari sendingu.  Gleðilegan vetur allir!
                                 
          Fanndís og Dúkkulísa frá Þjóðólfshaga I              Merar og folöld komin á gjöf
                 Karen og Eldur frá Akureyri

24.10.2014
Fórum og kíkkuðum á ungfolann okkar hann Kormák frá Björgum en hann hefur verið í frumtamningu hjá Pétri og Heiðrúnu í Saurbæ.  Frábær vinna í hestinum hjá þeim og folinn orðinn reiðfær.
           
                        Mikil spenna hér á bæ yfir þessum fola - Kormákur frá Björgum

25.09.2014
Það er búið að vera endalaust að gera hjá okkur við að ganga frá öllu fyrir komandi vetur.  Girðingar, heyskapur, draga undan, sleppa hrossum í haga, reka heim, járna aftur....... fengum til okkar í heimsókn sænskar drottningar sem komu til að taka út aðstöðuna hérna og ræktunina.  Mikið spáð og spuggulerað en á endanum var það svo hún Þórdís frá Björgum sem heillaði mæðgurnar Lisu og Lottu og þær keyptu merina.  Ekki nóg með það því Lisa ætlar að koma eftir jól og vinna hjá okkur í vetur.  Það verður gaman fyrir hana að geta unnið með Þórdísi á "heimavelli" eins og þær mæðgur orðuðu það.
           
  Emelie og Lisa - Sísí og Þórdís           Sænsku drottningarnar             Nýjasta parið: Lisa og Þórdís

12.08.2014
Einarsstaðarmót um helgina - blautt og kalt en mjög skemmtilegt.  Gekk bara vel, úrslit í öllu sem var tekið þátt í og rúsínan í pylsuendanum voru kaupin á nýja hestinum - Þyt frá Narfastöðum.
           
   Fanndís og Þórdís frá Björgum        Viðar og Sísí frá Björgum                      Blautt og kalt!
     2. sæti ungmennaflokkur                  5. sæti A flokkur

           
                                        Þytur frá Narfastöðum 8 vetra geldingur

11.08.2014
Doktor Nanett Kvist danski heimalingurinn okkar kom í heimsókn og auðvitað heimtaði hún að komast í hnakkinn.  Kolféll fyrir Væntingu frá Hrafnagili.  Takk fyrir góðu stundirna okkar saman í sumar elsku Nanett <3
                            
             Vænting og Nanett, Viðar og Glóð                 Barasta kolfallinn dani

20.07.2014
Loksins loksins er síðasta folald sumarsins komið í heiminn.  Hreyfingarflottur og myndarlegur foli undan Þóru frá Björgum og Kormáki frá Björgum, alfarið í eigu Fanndísar heimasætu...... til hamingju Fanndís okkar :-)
           
                                                 Flottur Þóru og Kormákssonur

16.07.2014
Þær eru frekar samrýmdar litlu skotturnar okkar undan Kötu og Von eftir að þær komu heim frá Vatnsleysu. 
           
                                             Ofur samrýmdar litlar jarpar frænkur

14.07.2014
Þá er það orðið staðfest, Björg frá Björgum er fylfull við Lord frá Vatnsleysu - jibbýkajey!!  Erum svo kolfallin yfir þessum klár og teljum að hann falli vel inn í okkar ræktun.  Fórum einnig með Von og Kötu til hans í vor og eru þessar drottningar komnar heim og auðvitað fylfullar.
                           
                     Björg frá Björgum                                Lord frá Vatnsleysu

                           
                    Von frá Syðra Kolugili                             Kata frá Björgum

13.07.2014
Afmæli húsfreyjunnar og með hverjum vildi hún helst fagna
                           
                                        Klikkaða afmælisbarnið á Björgum

10.07.2014
Landsmótið á Hellu....... hvað á maður að segja......byrjum á því jákvæða.  Hestakosturinn var hreint stórkostlegur og árangur hrossanna okkar frábær.  Vænting stóð sig vel í töltinu þrátt fyrir mikla skelfingu yfir auglýsingaskiltum og mannfjölda, endaði í 19.sæti og Fanndís og Björg náðu alla leið í A úrslitin og enduðu í 6.sæti.  Annars er frekar lítið um þetta LM að segja nema ALDREI AFTUR HELLA!
           
Síðasta keppnin hjá þessum tveimur             6.sætið                         Flottir winnerar Ás og Gústi

Formaður Léttis langflottust - fór helst ekki upp á svæði því til hvers..... besta útsýnið og WC á staðnum :-)
                                             
                                                 Andrea bara klikkar ekki!

19.06.2014
Nú er gaman hjá ungum stóðhestum.  Vorum að sleppa þeim út í frelsið eftir langa inniveru og voru þeir frekar ánægðir með sig.  Smelltum á tvo Liljusyni.
                             
   Lexus frá Björgum F:Viti frá Kagaðarhóli              Lúðvík frá Björgum F:Ódeseifur frá Möðrufelli

18.06.2014
Þá er úrtöku fyrir LM lokið og gekk nú bara nokkuð vel.  Lagt var upp í B flokkinn hjá húsbóndanum með Væntingu frá Hrafnagili en smá klikk með brokkið og draumurinn um sæti var úti.  Hún bætti heldur betur fyrir sig í töltinu og viti menn - hún er inni með einkunn upp á 7,37.  Þetta var bara þriðja töltmóts tilraun hennar og erum við auðvitað mjög hissa og stolt af þessari Hrafnagilsdúllu.  Bjöggi og Fanndís nældu sér í sæti á Bjargarskvísunum Perlu og Björg með feikigóðar einkunnir og Nillan okkar fór á kostum með strákana sína tvo þá Sörla frá Hárlaugsstöðum og Álfsteinn frá Hvolsvelli - efst inn fyrir Létti með þá báða!
           
Fanndís og Bjöggi á Bjargarskvísum        Strákarnir henna Nillu                 Vænting tölt: 7,37
                                                                                               Úrslit B flokkur 8,74 1.sæti

14.06.2014
Í nótt braust í heiminn þessi flotti foli en hann er undan Lilju frá Möðruvöllum og Kormáki frá Björgum.  Vitum ekki alveg hvernig litarlýsingin er á þessari frábæru blesu en flott er þetta og ekki skemmir að hann er hringeygður á öðru.  Hann Kormákur okkar er að gefa frá sér algjöra konfektmola :-)
                               
          Litfagur Lilju og Kormákssonur                        Rammasonurinn mjög ánægður að
                                                                             fá nýjan strákaleikfélaga

31.05.2014
Fórum á töltmót hjá Hring á Dalvík og gerðum bara nokkuð góða hluti þar.  Húsbóndinn mætti með tvö hross og var nánast ekki gjaldgengur því hvorugt var frá Björgum, en þetta voru þau Vænting frá Hrafnagili og Adam frá Skriðulandi en Viðar hefur verið með Adam í þjálfun fyrir Jolla í vetur.  Vænting gerði sér lítið fyrir og var efst eftir forkeppnina með 7,20 og Adam þriðji með 6,90.  Adam varð svo fyrir valinu í úrslitin og endaði þar þriðji með 6.97.  Heimasætan hún Fanndís keppti í sama flokki og endaði í fjórða sæti með 6,57.  Flott hjá þeim feðginum.
                               
       Vænting frá Hrafnagili 7,20 í fork.                              Björg frá Björgum 6,57

                               
          Adam frá Skriðulandi 6,97                                             Úrslitin

30.05.2014
Tókum þátt í Firmakeppni Léttis sem haldin var í gær.  Fanndís sigraði ungmennaflokkinn á Björg og nýi vinnumaðurinn okkar hann Árni Gísli Magnússon krækti í þriðja sætið á Þórdísi frá Björgum.  En spútnik hrossið okkar hún Vænting frá Hrafnagili og húsbóndinn áttu stórgóða sýningu og enduðu í öðru sæti.  Gaman að komast loksins í útimót hjá Létti.
           
     Fanndís og Björg nr.1                     Þórdís og Árni Gísli                  Úrslit ungmennaflokkur

           
                     Vænting frá Hrafnagili og húsbóndinn                            Úrslit karlrembuflokkur

26.05.2014
Og áfram halda folöldin að koma en í nótt braust í heiminn vígalegur Rammasonur.  Hann er undan Venus frá Björgum og það var ekki slæmt að sitja í miðjum mera og folaldahópnum í dag í 20 stiga hita!
                              

25.05.2014
Í nótt kom í heiminn eitt flottasta folald sem við höfum eignast en þetta folald er undan Kötu frá Björgum og Ramma frá Búlandi og auðvitað er þetta meri.  Hún sýndi okkur frábæra takta og sveif um eins og dottning þannig að hún var skírð á staðnum....... Kleopatra frá Björgum. 
                              

12.05.2014
Nú er gleði og gaman..... fyrsta folald ársins er komið í heiminn hér á Björgum.  Þetta er jörp tvístjörnótt hringeygð meri og er hún fyrsta folald undan gæðingahryssunni Von frá Syðra Kolugili og einnig fyrsta folald undan ungfolanum okkar honum Kormák frá Björgum.  Bara gaman......:-)
                              

08.04.2014
Það hefur nú verið frekar dapur fréttaflutningur hérna á veitunni okkar en nú hefur ritstjórinn lofað að taka sig á :-)  Nú hafa tvö frábær hross bæst við hestastóðið okkar en það eru þau Vænting frá Hrafnagili og Bessi frá Björgum.  Vænting er Forsetadóttir á 7. vetri og hefur hún verið í tamningu og þjálfun hérna í vetur.  Þessi meri stal hjörtum okkar meir og meir í vetur og nú fyrir stuttu urðu síðan óhjákvæminleg eigendaskipti og við þökkum Jóni Elvari kærlega fyrir viðskiptin.  Bessi frá Björgum er búinn að vera í eigu Nikólínu Rúnarsdóttur í 10 ár en nú er hann kominn heim..... feitur og pattaralegur.
                              
                              Vænting frá Hrafnagili nú loksins í okkar eigu!

                              
                                  Bessi frá Björgum loksins kominn heim!

29.01.2014
Þá hefur hún Binný okkar frá Björgum skipt um eigendur.  Við viljum óska þeim Steina, Kára og fjölskyldu til hamingju með þetta mikla hestagull.  Það verður mikið spennandi að fylgjast með þessu nýja keppnispari í framtíðinni.
           
     Nýju eigendurnir af Binný           Flottir feðgar með hestagull           Ein að lokum af Binný og
                                                           (og hundagull)                         heimasætunni :-)

06.01.2014
Höfum ákveðið að setja eitt af uppáhaldinu okkar á sölu en það er hún Þórdís frá Björgum.  Hún er á sjöunda vetri og er undan Mola frá Skriðu og Þóru frá Björgum.  Mikið efni hér á ferð!
                               

              Hér er video af prinsessunni:  Þórdís frá Björgum

05.01.2014
Fyrsta frétt ársins er af heimalingnum okkar honum Bjögga sín.  Hann tók upp á því að klippa á naflastrenginn og stökkva út í djúpu laugina.  Skellti sér á suðurlandið og ætlar að vera þar næstu mánuði til að ná sér í meiri reynslu og þekkingu.  Við eigum eftir að sakna þín Bjöggi okkar - gangi þér risa vel :-)
                               
             Bjöggi og Perla frá Björgum                           Bjöggi og Dagur frá Björgum

Fréttir 2013

  Fréttir 2012  

 Fréttir 2011